ARTIKEL

AREP MILIH SAPA?

Pilres 2014- slametan demokrasi lagi dadi trending topic ing Indonesia. Sakswise milih anggota legislatife bulan iki wayahe milih capres. Capres pilihan rakyat uwes ditentukake, ana 2 capres sing bakal adu visi lan misi nganggo majune Indonesia. Capres no 1 ana Prabowo-Hatta lan Capres no 2 ana Jokowi-JK. Capres sing padha kuate, salah sijine bakal mimpin bangsa Indonesia. Capres no 1, Prabowo Subianto lahir ing Jakarta, 17 Oktober 1951 duweni watak disiplin lan atos. Ora mung duweni watak lara kuwi nanging dheweke duwe watak cerdas. Prabowo dikenal ing kemiliterane ,amarga dadi lulusan sing paling apik ing Akademi Militer Magelang tahun 1970. Karir prabowo ing kemiliteran uwes dikenal, nanging tahun 1998 Prabowo kesandung kasus Trisakti , ngakibatke Prabowo di ndekke terhormat saka jabatane dadi Jendral. Saka kasus kuwi Prabowo pindah ning luar negeri pirang-pirang tahun, mbalik ning Indonesia mbentuk partai “Gerindra” , sing duwe visi-misi gawe gerakan perubahan ing Indonseia. Capres sijine ana Joko Widodo, sapa ta sing ora kenal Joko Widodo? Masyarakat mesti kenal karo sosok sing senenge blusukan ing desa-desa. Lahir ing Surakarta, 21 juni 1961 iku lulusan Fakultas Kehutanan UGM. Jokowi lahir saka keluarga sing sederhana uripe sing saka cilik uwes pindah-pindah gawe Jokowi ngenal kawruhane social sekelilinge. Lulus saka UGM Jokowi kerja ing peruhasaan BUMN ing Provinsi Aceh. Sak metune saka BUMN , Jokowi milih usaha mebel dhewekan. Sukses saka usaha sing di tekunni, karo kanca-kancane pengusaha duwe inisatif gawe organisasi Asmindo (Asosiasi Pengusaha Mebel Indonesia) , saka organisasi kuwi Jokowi dipercaya dadi ketua. Ndelok karaktere Jokowi sing merakyat, Jokowi dicalonke Pemilukada Solo 2005. Jokowi kepilih dadi Walikota Solo periode 2005-2010, ketresnananne karo kutha Solo, Jokowi mbangun Solo dadi nyaman lan maju. Saka prestasi kuwi Jokowi menang meneh ing periode keloro, periode 2010-2017. Saka gebrakan-gebrakan sing digawe Jokowi ing kutha Solo. Gawe masyarakat remen karo cara Jokowi mimpin, saka kuwi Jokowi diangkat luwih dhuwur mimpin Jakarta dadi Gubernur. Karo Basuki Tjahaja Purnama , Jokowi mbenahi Jakarta sing semprawut kuwi. Usahane Jokowi, sing merakyat cedhak karo warga lan ora isin terjun langsung ning lapangan gawe dhelok situasi sing kudu benahi. Rakyat dadi tambah remen karo kerjane Jokowi, saka pandhangan rakyat Jokowi pantes maju ing Capres tahun iki, akhire Jokowi maju ing Capres tahun 2014 no 2. Saka latar belakang Capres 2014 sing padha kuate, bakal dadi slametan demokrasi kang rame tahun iki. Milih Capres kang isa majukake bangsa Indonesia didelok bobot-bibite Capres, aja mung melu-melu kancane amarga money politic.

SINAU BAHASA JAWA

PANGETAN WARSA ENGGAL 

Dinten Ahad tanggal 30 Desember 2012, Danar matur dhateng bapak ipun supados kersa ndugekaken dhateng Alun-alun.

Danar          : “Pak, mbenjang malem warsa enggal kersa ndugekaken kula dateng

                      Alun-alun boten?”

Bapak          : “Lha arep jam pira le?”

Danar           : “Manawi jam 7 kados pundi Pak?”

Bapak          : “Oh ya, sesuk tak terke.”

          Wonten ing sekolahan Danar pinanggih dateng Isyhar kaliyan Juntria. Danar lajeng ngajak Isyhar kaliyan Juntria dateng Alun-alun.

Isyhar           : “Wah kadingaren tindak ipun enjang?”

Danar          : “Nggih mboten menapa menapa ta.”

Juntria         : “Wonten menapa to Nar, kadosipun kok remen sanget?”

Danar          : “O nggih, mangkih dalu kersa tindak Alun-alun boten?”

Juntria         : “Jam pinten Nar?”

Danar          : “Jam 7”

Isyhar           : “Oh nggih, kula saget nderek”

          “Tett...tett...tett...” Bell tanda mlebet kelas sampun kapirungu. Lare tiga kala wau lajeng mlebet klas.

          Ndalunipun...

Bapak          : “Ayo le enggal mangkat!”

Danar           : “Nggih Pak, nggih.”

          (Danar kaliyan bapak ipun lajeng tindak Alun-alun)

         

Wonten dalemipun Isyhar..

Juntria        : “Isy sampun siap menapa dereng? Mesakaken Danar kaliyan Bapak

   ipun mangkih mindak kedangon anggenipun nengga wonten mrika.”

Isyhar          : “Oh nggih, mangga bidal sak menika kemawon.”

          Isyhar kaliyan Juntria lajeng bidhal dateng Alun-alun. Wonten mrika Danar kaliyan bapak ipun sampun rumiyin anggenipun dumugi.

Juntria         : “Aduhh...nyuwun pangapunten sampun dangu nggih anggenipun

                      nengga wonten mriki?”

Danar          : “Dereng dangu kok, kula nggih nembe kemawon anggenipun dugi.”

Bapak         : “Ayo padha golek papan kanggo lungguh!”

Isyhar           : “Nggih mangga Pak.”

          Bapak Yudha, Danar, Juntria kaliyan Isyhar lajeng pados papan engkang sakeca kagem lenggahan sesarengan, sinambi nengga dhatengipun warsa enggal. Jam 23.50..

Bapak          : “Gilo tak tuokke jagung bakar, ojo padha rebutan kabeh oman.”

D.I.J              : (sesarengan) “matur nuwun Pak.”

Danar           : “Eeh.. eh.., aduh.. aduh.. panas!!”

Juntria          : “Milanipun ngantos-atos mboten sah kesesa.”

Bapak          : “Uwis uwis, kene cuwilan ro Bapak wae.”

Danar           : “Matur nuwun nggih pak.”

Isyhar            : “Eh..eh, nika mirsani nika, kembang apine sae sanget.”

Juntria           : “Wah sampun tahun 2013 ki!”

          Bapak Yudha, Danar, Isyhar kaliyan Juntria ketingal remen manahipun amargi saged mengeti warsa enggal sesarengan.

GEGURITAN

AKHIR WULAN

dening ardhina riana

 

Ora krasa bakal bubar

Iya bubar....

Bubare wulan desember

Aku urung isa

Nanging aku kudu isa

Ninggalake wulan iki

Aku pungkasi wulan iki

Supaya dadi wulan kang ngangeni

Gawe crita kang tansah ngelingke

 

GEGURITAN

LAYANG SEWENGI 

dening ardhina riana

Swara tembang iku

Ngelingake apa sing tak tanpa

Tresnaku marang sliramu

Ancur karo itungan wektu

Lakune angin gawa crita

Sumribite angin

Marakake ati kempruyukan

Lungamu tanpa swara

Ninggalake kertas

Kang kudu tak waca

Apa kang kudu tak ucap

Tansah donga lan rasa legawa

Gawe sangu laku lan lungamu

GEGURITAN

WERNA KANG MBUKTIKAKE

dening ardhina riana

Apa bisa kowe nggambarake tresnamu?

Nggores werna ing kertas putih iki

Coba buktina ing ngarepku

Apa bisa kowe nggambarake tresnamu?

Kayata langit biru ing tawang

 Kang ketok endah disawang

Apa bisa kowe nggambarake tresnamu?

Gawe aku percaya

Werna kang sliramu pilih !