GEGURITAN

LAYANG SEWENGI 

dening ardhina riana

Swara tembang iku

Ngelingake apa sing tak tanpa

Tresnaku marang sliramu

Ancur karo itungan wektu

Lakune angin gawa crita

Sumribite angin

Marakake ati kempruyukan

Lungamu tanpa swara

Ninggalake kertas

Kang kudu tak waca

Apa kang kudu tak ucap

Tansah donga lan rasa legawa

Gawe sangu laku lan lungamu

GEGURITAN

WERNA KANG MBUKTIKAKE

dening ardhina riana

Apa bisa kowe nggambarake tresnamu?

Nggores werna ing kertas putih iki

Coba buktina ing ngarepku

Apa bisa kowe nggambarake tresnamu?

Kayata langit biru ing tawang

 Kang ketok endah disawang

Apa bisa kowe nggambarake tresnamu?

Gawe aku percaya

Werna kang sliramu pilih !

NGURI-NGURI

SLAMETAN/UPACARA

Bersih desa        : slametan  ngerisiki desa

Berjanje             : maca puji-pujian ngenani riwayate kanjeng nabi Muhammad

Boyongan           : ngalih omah

Brokohan           : slametan tumrap bayi kang mentas lair

Kirab                 : metu bareng arak-arakan

Mantu                : duwe gawe omah-omahake anak

Megengan          : wiwitane sasi pasa

Mitoni                : slametan nalikane meteng pitung sasi

Mule                  : slametan ndongakake para kulawarga sing wis seda

Muludan            : slametan ing dina wiyose kanjeng nabi Muhammad

Ngirim               : ngopeni kuburane kulawarga

Nyadran            : ndongakake wong sing wis seda ana ing makam

Nyekar              : ngopeni kuburan lan ndongakake kulawarga sing wis seda

Nyelapani          : slametan nalika bayi umur salapan (35 dina)

Nyepasari          : slametan nalika bayi umur sepasar ( 5 dina )

Puputan             : slametan nalika pusere bay iwis pedhot

Slawatan           : dedonga marang gusti allah kagem kanjeng nabi Muhammad, kulawargane lan para mitrane

Tahlilan              : maca puji-pujian marang gusti allah, biasanne sawise kesripahan (kepaten)

Tetakan             : sunatan

Tedhak siti         : slametan nalikane bocah cilik wiwit diudhunake ing lemah

Tingkeban          : mitoni, slametan nalikane meteng 7 sasi

Udhun-udhunan  : slametan ngarepake bakda (lebaran)

Unggah-unggahan : slametan ngarepake pasa (sasi pasa)

Wiwit                 : slametan ngarepake methik pari